Ish-truproja i Azemit kërkon strehim politik

[Kallmeti & Lek Gjoka]

Gryka: Vrasja e Azemit, të pyetet Sali Berisha
» Dërguar më: 22/02/2010 - 12:15
Lajme te ngjashme



Për ish-truprojën personale të Azem Hajdarit, ka një person që e di gjithë të vërtetën e "vrasjes së shekullit" të 12 shtatorit 1998. Sipas Marjan Grykës, ky person është kryeministri Sali Berisha, i cili duhet të thotë para drejtësisë gjithçka ai di për këtë çështje. Është kjo arsyeja pse Gryka i ka kërkuar Prokurorisë së Përgjithshme rihapjen e dosjes "Hajdari" dhe thirrjen e shefit të qeverisë në cilësinë e akuzatorit dhe dëshmitarit kryesor. "Dosja e vrasjes së liderit të Demokracisë shqiptare, simbolit të shoqatës sonë, mendoj dhe kam kërkuar në vazhdimësi, që të hapet dhe të hetohet e plotë. Kjo duhet bërë sepse ajo dosje nuk i ka 'fletët' e hetimit të bardha. Dhe kjo hapje, mendoj se duhet të nisë me dëshminë dhe denoncimin e kreut të PD-së, Sali Berisha, i cili ka deklaruar se do ta hapte këtë dosje kur të vinte PD-ja në pushtet, duke vendosur përpara ligjit vrasësit e vërtetë. Këtë gjë ai nuk e ka bërë as kur ishte në opozitë, as tani që po mbush tre vjet në pushtet. Prokuroria duhet të thërrasë Berishën në seancë dëgjimore edhe si dëshmitar, edhe si denoncues, edhe si grumbullues dhe njohës provash të shumta, për të hedhur dritë mbi vrasësit dhe motivet e vrasjes së Azem Hajdarit. Kjo duhet bërë patjetër dhe sa më shpejt", është shprehur Gryka në një prononcim të tij për mediat gati 1 vit e gjysmë më parë. Sipas tij "nëse Nano dhe Gjinushi cilësohen si organizatorë të vrasjes së tij, këtë e di vetëm Sali Berisha, sepse ai i ka shpallur të tillë, sepse ua ka thënë këtë gjë shqiptarëve dhe gjithë botës. Ndaj dhe duhet t'i qëndrojë kësaj deklarate me pranim, ose me mohim. Dhe këtë duhet t'ia kërkojë prokuroria, mbasi së pari e kërkon ligji, sepse kemi të bëjmë me denoncim konkret publik", ka thënë ish-truproja i deputetit të vrarë të Partisë Demokratike.
Akuzat
Edhe pse i veshur në mënyrë klasike, me kostum serioz dhe gjithmonë me këmisha të bardha, Marjan Gryka kujdeset veçanërisht më shumë për të mos humbur varësen që mban prej 10 vitesh, e cila është e dukshme mbi kraharorin e tij. Mbi një pllakat të bardhë të argjendtë, shkruhet dukshëm "AZEM". Marjan Gryka, presidenti i shoqatës "Azem Hajdari", edhe pse një emër tejet i njohur jo vetëm në rrethet e demokratëve shkodranë, të kujton nervin dhe rebelizmin e Azem Hajdarit. Por edhe pse përfaqëson një shoqatë që mban emrin e emblemës së Partisë Demokratike, që është aktualisht në pushtet, nuk druhet në asnjë fjali për të hedhur kritika mbi ata që i cilëson si lakenjtë e PD-së, që sipas tij, jo vetëm s'e kanë dashur Azemin në të gjallë, por e kanë luftuar dhe përdorur emrin e tij edhe pas vdekjes. Gjithashtu, po aq i drejtpërdrejtë në akuzat e tij, Gryka është edhe ndaj gjysmës tjetër të spektrit politik shqiptar, të majtës. Sipas tij, të dy krahët janë njësoj përgjegjës për vrasjen e Hajdarit dhe moszbardhjen përfundimtare të ekzekutimit të tij. Gryka pretendon se janë dënuar vetëm ushtarët që realizuan vrasje

[Kallmeti & Lek Gjoka]

Gryka u arrestua pak para vrasjes së Azemit
» Dërguar më: 22/02/2010 - 1


• Datë: Feb 22, 2010


Marjan Gryka, vetëm pak javë para se të vritej Azem Hajdari është arrestuar si i dyshuar për sulmin ndaj institucioneve shtetërore në Shkodër. Ai së bashku me shumë të tjerë janë konsideruar si persona të dyshimtë dhe individë që mund të shkaktonin trazira gjatë zhvillimit të referendumit për Kushtetutën, por asnjëherë akuzat ndaj tyre nuk u vërtetuan. Mbi supet e Grykës u ngrit akuza e "përvetësimit të pronës ushtarake". Ai ndodhej në paraburgim për pjesëmarrje në sulmet në Shkodër dhe kjo shpjegon dhe faktin përse Gryka nuk ishte përkrah ish-liderit të Dhjetorit mbrëmjen e 12 shtatorit 1998, kur ai u ekzekutua. Pak kohë pas vrasjes së Azemit, ai u lirua nga salla e gjyqit për mungesë provash dhe faktesh dhe nuk ka hezituar asnjë moment të akuzojë instancat shtetërore dhe vetë kryeministrin aktual, Sali Berisha për vrasjen e liderit të Dhjetorit. Madje, ai i ka dërguar një letër kryeprokurores Ina Rama. Marjan Gryka shkruante se "Sali Berisha i di vrasësit e Azemit, dhe nga ai duhet të rinisin hetimet për dosjen". Pas vrasjes së deputetit demokrat, ai u bë drejtuesi i shoqatës "Azem Hajdari" në kryeqytet, shoqatë kjo e cila u krijua si domosdoshmëri për të përjetësuar dhe vazhduar idealet kombëtare e demokratike të liderit të Dhjetorit '90.

[Kallmeti & Lek Gjoka]

Ish-truproja i Azemit kërkon strehim politik
» Dërguar më: 22/02/2010 - 12:17

Tedi Blushi

Marjan Gryka, ish-truproja personal i deputetit të vrarë Azem Hajdari, kërkon strehim politik në Greqi. Ai pretendon se familja e tij rrezikon tashmë eliminimin fizik nga qeveria shqiptare, apo sikundër e cilëson ndryshe "regjimi i Berishës". Gryka ka udhëtuar drejt shtetit fqinj në fillim të muajit shkurt, ku me të mbërritur në aeroportin e Athinës, ka nisur procedurat e kërkesës për azil politik jo vetëm për vetë por edhe për bashkëshorten dhe tre fëmijët. "Dua nga shteti dhe drejtësia shqiptare një përgjigje pse nuk rihapet dosja 'Hajdari', por kam frikë se e vetmja përgjigje që do të marr, do të jenë plumbat", kanë qenë disa nga fjalët që 39-vjeçari ka Shkodra u ka thënë autoriteteve policore greke. Ai kërkon imunitet për familjen, pasi pretendon se nuk ka më garanci nga policia dhe strukturat kombëtare të sigurisë shqiptare.
Eliminimi fizik
Është hera e parë që ish-truproja i Azem Hajdarit kërkon strehim politik në një shtet të huaj. Por, jo e para herë që ai pretendon publikisht se ndihet i kërcënuar me jetë nga qeveria aktuale dhe nga ato që i ka cilësuar si "struktura të errëta pranë Partisë Demokratike". Në prononcime të tij për mediat rreth një muaj më parë, Gryka ka shprehur hapur rrezikun që i kërcënohet nga politikanë të lartë të maxhorancës aktuale, që sipas tij janë të implikuar në "vrasjen e shekullit". Edhe pse ka shtuar se ai nuk ka asnjë konflikt personal që do t'i bëhej shkak për organizimin e një sulmi ndaj tij. "Kam kërkuar hapjen e dosjes 'Hajdari', një kërkesë shumë normale, pasi një gjë e tillë është një faktor kryesor për hyrjen e Shqipërisë në BE. Por nuk e kam kërkuar hapjen e dosjes për të gjetur vrasësit. E kam kërkuar që të gjenden personat që e kanë organizuar vrasjen e tij", është shprehur kohë më parë ish-truproja personal i liderit të dhjetorit.
Marrëdhëniet me Berishën
Gryka nuk ka ngurruar në asnjë moment të fajësojë edhe kryeministrin Sali Berisha për ngjarjen e rëndë të 12 shtatorit 1998, ku mbeti i vrarë deputeti i Partisë Demokratike. Madje, ai i ka dërguar në tetor të vitit 2008 edhe një letër prokurores së Përgjithshme, Ina Rama, ku kërkon rihapjen e hetimeve për dosjen "Hajdari" e në mënyrë të veçantë, thirrjen e kryeministrit Berisha në pozicionin e akuzuesit dhe dëshmitarit. "Të trajtoni në pozicionin e akuzuesit dhe dëshmitarit, shtetasin Sali Ramë Berisha, me pozicion politik kryetar i PD-së dhe akuzues konkret publik në momentin e vrasjes së Azem Hajdarit, shtetas ky që aktualisht është me detyrë kryeministër. Ky qëndrim është përgjegjësi e Juaja zonja Prokurore e Përgjithshme dhe duhet realizuar. Kanë kaluar afro 10 vjet nga kjo vrasje dhe ende shtetasi Sali Ram Berisha nuk ka pranuar të dëshmojë dhe të firmosë denoncimin e tij publik për vrasësit realë, të cilët i ka deklaruar përherë në media dhe takime publike me demokratët. Madje, ky ka qenë qëndrimi i tij përballë ligjit, por që nuk është realizuar edhe pse PD dhe Berisha, për afro 3 vjet janë në pushtet", ka shkruar Gryka mes të tjerash në letrën drejtuar kryeprokurores Ina Rama.