Gjendet ne Tirane makina e vjedhur nje fotbollisti Italian.

[Edmondi]

Policia shqiptare i rikthen makinën Gatuzos

UPDATE - Policia shqiptare njofton se i është rikthyer makina e vjedhur futbollistit italian të Milan, Gennaro Gattuso. Katër muaj më parë makina e tij, tip Range Rover fuoristradë iu kap një adoleshenti në Tiranë. Pas sekuestrimit nga policia makina rezultoi e vjedhur në shtetin italian dhe në pronësi të futbollistit të njohur.

Sot, katër muaj pas ngjarjes policia e Tiranës bëri të ditur se ky automjet është dorëzuar tashmë pranë kompanisë së sigurimeve në Itali. Bashkë me të edhe një automjet tjetër prodhim i fundit, vjedhur nga shqiptarët, po në Itali.

Në njoftimin e policisë thuhet se "u ekzukutua Urdhëri i Prokurorisë së Tiranës për kthimin e dy automjeteve të sekuestruara në Tiranë, të vjedhura jashtë kufijve të Shqipërisë". Përkatësisht automjeti tip fuoristradë e markës Range Rover ngjyrë e zezë, e cila është sekuestruar nga specialistët e Seksionit Kundër Trafiqeve të Paligjshme në Drejtorinë e Policisë së Qarkut Tiranë më datë 11 nëntor 2009, në afërsi të rrugës së "Durrësit" në Tiranë. Ky automjet u sekuestrua sepse nga verifikimet e kryera, ka rezultuar i vjedhur në Itali me datë 02 tetor 2006, automjet në pronësi të shtetasit italian Ivan me targa origjinale CË542YG.


Si dhe automjeti tjetër i markës Mercedes Benz 320 CDI, ngjyre e zeze sekuestruar me datë 28 Prill 2009 që ishte në pronësi të një shtetasi me kombësi italiane.

[Edmondi]

Gjendet në Tiranë makina e vjedhur e futbollistit të Milanit.


TIRANE- Gjendet në Tiranë makina e vjedhur e futbollistit të Milanit Genaro Gatuzzo.
Burime nga policia bëjnë të ditur se makina tip Range Rover e grabitur në Milano të Italisë në 2 tetor të 2006-ës është kapur në kryeqytet me targa TR 0056 P, ndërsa targat origjinale të makinës janë CW542YG.

Aksioni u finalizua këtë të mërkurë nga skuadra e Antitrafikut të Tiranës, ndërsa dyshohet se automjeti ka hyrë në territorin shqiptar nga shtetas italianë.

Mënjëherë ka nisur procedimi penal për poseduesin e mjetit dhe hetimet për ciklimin dhe targimin e makinës.
Poseduesi i makinës, është një i ri shqiptar, identiteti i të cilit nuk bëhet i ditur dhe nuk dihet nëse ka qenë pjesë e rrjetit të grabitësve apo e ka blerë atë.